A bal de l'aragonés

Día Europeo d'as Luengas

O Día Europeo d'as Luengas se zelebró o miercores 26 de setiembre de 2007 con diferens autibidaz.

O Zentro UNESCO de Catalunya organizó en Barzelona una charrada d'o conoxito lingüista David Crystal con o tetulo "Qué n'hem de fer d'un Any Internacional de les Llengües".

En l'Alto Aragón se fazió una Beilata de Leuturas en Aragonés, organizata por o Rolde O Caxico e l'asoziazión Calibo, a mesma tardada d'o 26 de setiembre en Samianigo. Astí s'achuntoron profesors d'aragonés, escritors, alunnos d'aragonés, estudiosos e fabladors, e se leyoron diferens testos: clasicos, populars, infantils, poesía, narratiba autual,… O balanze estió positibo e ya piensa en tornar a fer ista autibidá l'añada benién. "Un grano no fa granero, pero aduya a o conchunto entero". Ye una traza más de trucar l'atenzión sobre a luenga aragonesa e a suya dolenta situazión, a o mesmo tiempo que se promoziona a literatura feita en aragonés.

Chuan Guara Ordás